Tata Tech IPO - ரூ.34 கோடி முதலீட்டிற்கு பலனாக ரூ.2,300 கோடியை அள்ளிய டாடா மோட்டார்ஸ்!

டாடா டெக்னாலஜிஸ் நிறுவனத்தின் ஐபிஓ மூலமாக டாடா மோட்டார்ஸ் நிறுவனம் லாபத்தை அள்ளியுள்ளது.

மிகவும் எதிர்பார்க்கப்பட்ட டாடா டெக்னாலஜிஸ் ஐபிஓவில் தாய் நிறுவனமான டாடா மோட்டார்ஸ் சுமார் 4.63 கோடி பங்குகளை விற்பனை செய்யவுள்ளது. இதன் மூலம், நிறுவனம் ஒரு பங்கு 500 ரூபாய் என்ற வீதம் சுமார் ரூ.2,314 கோடியை திரட்டியுள்ளது. இதனுடன் நிறுவனம் தனது முதலீட்டில் பெரும் லாபத்தை ஈட்டியுள்ளது.

டாடா டெக் ஐபிஓ:

ஆட்டோமொபைல் நிறுவனமான டாடா மோட்டார்ஸ் அதன் கடன் திருப்பிச் செலுத்தும் திட்டத்தின் ஒரு பகுதியாக டாடா டெக்கின் பங்குகளை விற்கிறது. நிறுவனம் 2025 ஆம் ஆண்டுக்குள் கடனில் இருந்து விடுபட இலக்கு நிர்ணயித்துள்ளது.

ஆகஸ்ட் 1994ம் ஆண்டு டாடா டெக் கோர் சாப்ட்வேர் சிஸ்டம்ஸ் ஆக இணைக்கப்பட்டது, அதன் பிறகு, டாடா குழுமம் 1996ல் நிறுவனத்தின் 64.79 சதவீத பங்குகளை தன் வசம் வைத்திருந்தது. அப்போது வெறும் 7.4 ரூபாய்க்கு பங்குகள் வாங்கப்பட்டன, தற்போது இதன் அதிகபட்ச விலை ரூ.500 ஆகும்.

ரூ.34.24 கோடிக்கு வாங்கப்பட்ட டாடா டெக் ஐபிஓ பங்குகள், இப்போது ரூ.2,314 கோடி மதிப்பை எட்டியுள்ளது. இதன் மூலம் நிறுவனம் 2,279 கோடி ரூபாய் லாபம் ஈட்டியுள்ளது.

கடந்த மாதம், டாடா மோட்டார்ஸ், ஐபிஓவுக்கு முந்தைய ஒப்பந்தத்தில் 9.9% பங்குகளை ரூ.1,613.7 கோடிக்கு விற்கப்பட்டது. செப்டம்பர் காலாண்டில், நிறுவனம் தனது நிகரக் கடனை ரூ.38,700 கோடியாகக் குறைத்துள்ளது.

ஐபிஓவை தொடர்ந்து, டாடா டெக்கில் டாடா மோட்டார்ஸின் பங்கு 64.79% இல் இருந்து 53.39% ஆக குறைந்துள்ளது. அதிக விலைக் குழுவில், வாகனத் தொழிலுக்கு வழிகாட்டும் உற்பத்தியை மையமாகக் கொண்ட பொறியியல் ஆராய்ச்சி மற்றும் மேம்பாட்டு நிறுவனம் 32.5 மடங்கு PE இல் ரூ.20,283 கோடியாக மதிப்பிடப்பட்டுள்ளது.

ஏறக்குறைய 20 ஆண்டுகளுக்குப் பிறகு, டாடா குழுமம் ஒரு ஐபிஓ (இனிஷியல் பப்ளிக் ஆஃபர்)-வை வெளியிட்டுள்ளது. டாடா டெக் ஐபிஓவிற்கான ஏலம் இன்றுடன் நிறைவடைய உள்ள நிலையில், ஏற்கனவே முதலீட்டாளர்கள் ஐபிஓவில் குவிந்துள்ளனர், இது இரண்டாவது நாளின் சமீபத்திய தரவுகளின்படி, 11 மடங்கு அதிகமாக உள்ளது.

செப்டம்பர் காலாண்டில் நிகரக் கடனை ரூ.38,700 கோடியாகக் குறைத்துள்ளதாக நிறுவனம் தெரிவித்துள்ளது. மறுபுறம், ஜாகுவார் லேண்ட் ரோவர், கடந்த 12 மாதங்களில் அதன் நிகர கடனை 2.25 பில்லியன் பவுண்டுகளாக பாதியாகக் குறைத்துள்ளது. இந்த ஆண்டு இறுதிக்குள் இதை 1 பில்லியன் பவுண்டுகளாக குறைக்க இலக்கு வைத்துள்ளது. டாடா மோட்டார்ஸ் கடனை குறைக்க டாடா டெக் போன்ற நிறுவனங்களின் பங்குகளை விற்று வருகிறது.