2025ல் தாக்கத்தை ஏற்படுத்தக்கூடிய 5 முக்கிய தொழில்நுட்பங்கள்!
2025ல் மாற்றத்தை ஏற்படுத்தக்கூடிய ஐந்து முக்கிய தொழில்நுட்ப போக்குகளை தெரிந்து கொண்டு அதற்கேற்ப வர்த்தக மற்றும் தனி வாழ்க்கை மாற்றங்களையும் செய்து கொள்ளத் தயாராகுங்கள்.
2025ம் ஆண்டை நெருங்கும் நிலையில், தொழில்நுட்பத்தின் வேகமான வளர்ச்சி நம்முடைய உலகை தொடர்ந்து மாற்றி அமைத்து வருகிறது. நாம் பணி செய்யும் விதத்தில் துவங்கி, தொடர்பு கொள்வது வரை புதிய தொழில்நுட்பங்கள் தொழில்துறைகளையும், நம் வாழ்க்கையையும் மாற்றி வருகின்றன.
தனிநபர்களுக்கும், நிறுவனங்களுக்கும் இந்த போக்குகளை அறிந்திருப்பது முக்கியமாகிறது. அப்போது தான், வேகமாக மாறிவடும் டிஜிட்டல் பரப்பில் போட்டித்தன்மையோடு இருக்க முடியும். இந்த கட்டுரையில், 2025ல் தாக்கம் செலுத்தக்கூடிய 5 முக்கியத் தொழில்நுட்ப போக்குகள் குறித்தும், அவற்றுக்கு ஏன் தயாராக வேண்டும் என்றும் பார்க்கலாம்.
2025ல் தாக்கம் செலுத்தக்கூடிய 5 முக்கியத் தொழில்நுட்ப போக்குகள்
ஏஐ மற்றும் இயந்திர கற்றல்
செயற்கை நுண்ணறிவு (AI) மற்றும் இயந்திர கற்றல் (ML) ஆகியவை இனியும் வெறும் வார்த்தைகள் மட்டும் அல்ல, இவை பல்வேறு துறைகளில் ஒருங்கிணைக்கப்படும் அடிப்படை தொழில்நுட்பங்களாக மாறி இருக்கின்றன. அடுத்த ஆண்டு இந்த இரண்டு நுட்பங்களும் மேலும் நுணுக்கம் மிக்கவையாக மாறி, சிக்கலான செயல்முறைகளை வர்த்தக நிறுவனங்கள் தானியங்கி மயமாக்க உதவும். வாடிக்கையாளர் அனுபவத்தை மேம்படுத்தவும், தரவுகள் சார்ந்த முடிவெடுத்தலிலும் கைகொடுக்கும்.
நிறுவனங்கள், ஏஐ சார்ந்த அனலிடிக்ஸ் திறன் கொண்டு, பெரிய தரவு பட்டியலில் இருந்து உள்ளொளி பெற்று செயல்பாடுகளை சீரமைத்து, தனிப்பட்ட தேவைகளுக்கு ஏற்ற சேவைகளை அளிக்கும் திறன் பெறும். சுகாதார நலன், நிதி மற்றும் ரீடைல் உள்ளிட்ட துறைகள் குறிப்பிடத்தக்க மேம்பாடுகளை காணும். மேம்பட்ட நோய் கண்டறிதல் சாதனங்கள், தனிப்பட்ட நிதி ஆலோசனை, சிறந்த ஷாப்பிங் அனுபவம் சாத்தியமாகும்.
இந்த போக்கிற்கு ஏற்ப தயாராக, நிறுவனங்கள் ஊழியர்களுக்கு ஏஐ பயிற்சி அளிக்க வேண்டும். தங்கள் நோக்கங்களுக்கு ஏற்ப ஏஐ நுட்பத்தை அமைக்க வேண்டும். இந்த நுட்பங்களின் அறம் சார்ந்த பயன்பாட்டை கவனத்தில் கொள்ள வேண்டும்.
மெட்டாவர்ஸ் எழுச்சி
கூட்டு மெய்நிகர் வெளியான மெட்டாவர்ஸ் கருத்தாக்கம் மேலும் வரவேற்பை பெற்றும், நாம் டிஜிட்டல் உள்ளடக்கத்தை அணுகும், தொடர்பு கொள்ளும் விதத்தில் தாக்கம் செலுத்தும். 2025ல் விர்ச்சுவல் ரியாலிட்டி மற்றும் ஆக்மெண்டட் ரியாலிட்டி போன்ற நுட்பங்கள் பயனாளிகளுக்கு நிகழ் நேரத்தில் எல்லைகள் கடந்து மூழ்கி இருக்கும் சூழலை அளிக்கும்.
பொழுதுபோக்கு, கல்வி, தொலைதூர பணி உள்ளிட்ட துறைகளில் இதன் தாக்கம் இருக்கும். நிறுவனங்கள் மெய்நிகர் அலுவலகம் அமைத்து, ஊழியர்கள் மெய்நிகர் பரப்பில் பணியாற்றை வழி செய்யும். கல்வியாளர்கள் கற்றல் அனுபவத்தை மேம்படுத்துவார்கள். மெட்டாவர்சுக்கு தயாராக, நிறுவனங்கள் விஆர் மற்றும் ஏஆர் நுட்பங்களை கையாள வேண்டும். தங்கள் சேவைகள், தயாரிப்புகளை மேம்படுத்த இவற்றை பயன்படுத்திக்கொண்டு, மெய்நிகர் பரப்பிற்கான உத்திகளை வகுக்க வேண்டும்.
எட்ஜ் கம்ப்யூட்டிங்
ஐஓடி (IoT) சாதனங்கள் பரவி வரும் நிலையில், எட்ஜ் கம்ப்யூட்டிங் முக்கிய போக்காக உருவாகிறது. மையமான கிளவுட் சர்வர்களை சார்ந்திருப்பதற்கு பதிலாக, எட்ஜ் கம்ப்யூட்டிங்கில் தரவுகள் அவை உருவாகும் இடத்திலேயே செயல்படுத்தப்படுகிறது.
நிகழ்நேர தகவல்கள் தேவைப்படும் தானியங்கி வாகனங்கள், ஸ்மார்ட் நகரங்கள், தொழிற்சாலை தானியங்கிமயம் ஆகியவற்றில் இந்த மாற்றம் தீவிரமாக உள்ளது. தரவுகளை தோற்ற இடத்திற்கு அருகே கொண்டு செல்வதன் மூலம், செயல்திறன், பாதுகாப்பை அதிகமாக்கலாம்.
இந்த போக்கிற்கு தயாராக, நிறுவனங்கள் தற்போதையை உள்கட்டமைப்பை ஆய்வு செய்து, எட்ஜ் கம்புயூட்டிங் தீர்வுகளை அமல் செய்யும் வாய்ப்புகள் கண்டறிய வேண்டும். ஊழியர்கள் இந்த நுப்டத்தை புரிந்து கொள்ள பயிற்சி அளிக்க வேண்டும்.
சைபர் பாதுகாப்பிற்கு முன்னுரிமை
டிஜிட்டல் தொழில்நுட்பங்களை அதிகம் சார்ந்திருப்பதால் சைபர் பாதுகாப்பு முக்கியமாகிறது. 2025 ஆண்டை நெருங்கும் நிலையில், சைபர் தாக்குதல் மேலும் தீவிரமாகி, துடிப்பான சைபர் பாதுகாப்பின் அவசியத்தை அதிகமாக்குகிறது.
மேம்பட்ட சைபர் பாதுகாப்பு படிமுறையை உருவாக்குவது, அடிக்கடி சோதனை நடத்துவது, ஊழியர்களுக்கு பயிற்சி அளிப்பது முக்கியம். மேலும், நிகழ் நேரத்தில் ஆபத்துகளை கண்டறியும் ஏஐ சார்ந்த பாதுகாப்பு தீர்வுகள் தரவுகளை பாதுகாக்க, வாடிக்கையாளர்கள் நம்பிக்கையை காக்க அவசியம்.
இதற்குத் தயாராக, நிறுவனங்கள் தற்போதைய பாதுகாப்பு முறையை ஆய்வு செய்து, விரிவான பாதுகாப்பு உத்திகளை வகுக்க வேண்டும். சைபர் பாதுகாப்பு பரப்பில் தற்போதிய போக்குகளை அறிந்திருக்க வேண்டும்.
நீடித்த தன்மை தொழில்நுட்பம்
காலநிலை மாற்றம் தீவிர பிரச்சனையாகிக் கொண்டிருக்கும் நிலையில், வர்த்தகங்கள் நீடித்த வளர்ச்சி தொழில்நுட்பங்களை பின்பற்றுவது அவசியமாகிறது. 2025ல் பசுமை தொழில்நுட்பத்திற்கான மாற்றம் மேலும் தீவிரமாக இருக்கும். மறுசுழற்சி எரிசக்தி, சுற்றுச்சூழல் நட்பான பொருட்கள் முக்கியம்.
நீடித்த தன்மைக்கு முக்கியத்துவம் நிறுவனங்கள் சுற்றுச்சூழல் பாதிப்பை குறைப்பதோடு, சுற்றுச்சூழல் ஆர்வம் கொண்ட வாடிக்கையாளர்களையும் கவர்கிறது. மேலும், கட்டுப்பாடு விதிகள், நுகர்வோர் நோக்கில் வெளிப்படைத்தன்மைக்கான தேவை ஆகியவை நிறுவனங்களை நீடித்த செயல்முறைக்கு தள்ளுகிறது.
இந்த போக்கிற்கு ஏற்ப நிறுவனங்கள் தங்கள் வர்த்தகத்தின் சுற்றுச்சூழல் பாதிப்பை ஆய்வு செய்து நீடித்த தொழிலுநுட்பங்களுக்கு மாற வேண்டும். மறுசுழற்சி எரிசக்தி பயன்பாடு, சுழற்சி பொருளாதார கோட்பாடுகள், சப்ளை சங்கிலியின் நீடித்த தன்மை போன்றவை அவசியம்.
2025-ஐ நெருங்கும் நிலையில், தொழில்நுட்ப பரப்பு முக்கிய மாற்றத்தை எதிர்கொள்ள உள்ளது. இந்த ஐந்து முக்கிய போக்குகளை புரிந்து கொண்டு தயாராவதன் மூலம், வர்த்தகங்கள் மாற்றத்திற்கு ஏற்ப தயாராகலாம்.
தகவல்களை அறிந்திருப்பது, பொருத்தமான நுட்பங்களில் முதலீடு செய்வது, தீவிர உத்திகளை பின்பற்றுவது போன்றவை எதிர்காலத்திற்கு ஏற்ப வர்த்தகத்தை தயார் செய்ய உதவும். மாற்றங்களை எதிர்கொண்டு வளர்ச்சி பெறுவதற்கு தயாராகும் நேரம் இது.
ஆங்கிலத்தில்: சானியா அகமது கான், தமிழில்: சைபர் சிம்மன்
'தொழில்புரட்சியை விட அதிக தாக்கத்தை ஏஐ நுட்பம் கொண்டு வரும்' - ஏஐ ஊழியர் சேவை நிறுவனர் சுரோஜி சாட்டர்ஜி!
Edited by Induja Raghunathan
