LGBTQ சமூகத்தினர் கூட்டு வங்கிக் கணக்கு துவக்க தடையில்லை- நிதி அமைச்சகம் உத்தரவு!
2023ல் உச்சநீதிமன்றம் பிறப்பித்த தீர்ப்பைத் தொடர்ந்து எல்ஜிபிடி சமூகத்தினருக்கான வங்கி கணக்கு தொடர்பான உத்தரவை நிதி அமைச்சகம் பிறப்பித்துள்ளது.
எல்.ஜி.பி.டி.கியூ சமூகத்தைச் சேர்ந்தவர்கள் கூட்டு வங்கிக் கணக்கை துவக்குவதிலும், தங்களுடன் உறவு முறையில் உள்ள ஒருவரை நாமினியாக நியமிப்பதிலும் எந்த கட்டுப்பாடும் இல்லை என நிதி அமைச்சகம் தெரிவித்துள்ளது.
இது தொடர்பாக ஆகஸ்ட் 28ம் தேதி வெளியிடப்பட்டுள்ள நெறிமுறை குறிப்பில்,
“மாற்று பாலின சமூகத்தைச் சேர்ந்தவர்கள் கூட்டு வங்கி கணக்கு துவக்குவதிலும், தங்கள் உறவுமுறையில் உள்ள ஒருவரை நாமினியாக நியமிப்பதிலும் எந்த கட்டுப்பாடும் இல்லை," என தெரிவிக்கப்பட்டுள்ளது.
சுப்ரியா சக்ர்வர்த்தி மற்றும் இந்திய அரசுக்கு எதிரான வழக்கில் 2023 ம் ஆண்டு அக்டோபர் 17ம் தேதி உச்ச நீதிமன்றம் பிறப்பித்த தீர்ப்பை அடுத்து, ஓரினச்சேர்க்கையாளர்கள், இரு பாலினத்தவர் மற்றும் திருங்கைகள் உள்ளிட்ட எல்ஜிபிடி பிரிவினருக்கான இந்த உத்தரவு பிறப்பிக்கப்பட்டுள்ளது.
![lgbtq](https://images.yourstory.com/cs/18/7f701c9008d911e9bb473d9d98ed1e05/LGBTQpride1549345675607-1725007279918.jpg?fm=png&auto=format&w=800)
இது தொடர்பாக அனைத்து வங்கிகளுக்கும் ரிசர்வ் வங்கி சார்பில் சுற்றறிக்கை அனுப்பி வைக்கப்பட்டுள்ளதாகவும் நிதி அமைச்சக குறிப்பு தெரிவிக்கிறது.
2015ம் ஆண்டு வங்கிகள், மாற்று பாலினத்தவர்கள் வங்கி கணக்கு துவக்க அனைத்து படிவங்களிலும் மூன்றாவது பாலினத்திற்கான தனி பகுதியை வழங்குமாறு வங்கிகளுக்கு உத்தரவிட்டது.
இதையடுத்து, பல வங்கிகள் திருநங்கைகளுக்கான சேவைகளை துவக்கின. ESAF ஸ்மால் பைனான்ஸ் வங்கி, 2022ம் ஆண்டு திருநங்கை சமூகத்தினருக்கான பிரத்யேக வானவில் சேமிப்பு கணக்கை அறிமுகம் செய்தது.
2023 உச்சநீதிமன்ற உத்தரவை அடுத்து மத்திய அரசு இந்த ஆண்டு ஏப்ரல் மாதம், மாற்று பாலினத்தவர் பிரச்சனைகள் தொடர்பாக ஆய்வு செய்ய கேபினட் செயலர் தலைமையில் குழு அமைத்தது.
பல வகை சேவைகள் பெறுவதில் இந்த சமூகத்தினர் எந்தவித பாகுபாட்டிற்கும் உள்ளாகாமல் இருக்க தேவையான நடவடிக்களை பரிந்துரைக்க இக்குழு அமைக்கப்பட்டது. இந்த சமூகத்தினருக்கு எதிரான சீண்டல்களுக்கு தீர்வு குறித்தும் குழு ஆய்வு செய்தது.
செய்தி – பிடிஐ
Edited by Induja Raghunathan