Stock News: பங்குச் சந்தையில் தொடரும் ஏற்றம் - சென்செக்ஸ், நிஃப்டி புள்ளிகள் உயர்வு!

சர்வதேச சந்தைப் போக்குகளின் எதிரொலியாக, இந்தியப் பங்குச் சந்தையில் தொடர்ந்து ஏற்றம் நிலவி வருகிறது. சென்செக்ஸ், நிஃப்டி புள்ளிகள் உயர்வில் தொடர்கின்றன.

Thursday January 16, 2025 , 1 min Read

சர்வதேச சந்தைப் போக்குகளின் எதிரொலியாக, இந்தியப் பங்குச் சந்தையில் தொடர்ந்து ஏற்றம் நிலவி வருகிறது. சென்செக்ஸ், நிஃப்டி புள்ளிகள் உயர்வில் தொடர்கின்றன.

மும்பை பங்குச் சந்தையில் இன்று (ஜன.16) காலை வர்த்தகம் தொடங்கும்போது, சென்செக்ஸ் 595.42 புள்ளிகள் உயர்ந்து 77,319.50 ஆக இருந்தது. அதேவேளையில், தேசிய பங்குச் சந்தையில் நிஃப்டி 178.45 புள்ளிகள் உயர்ந்து 23,391.65 ஆக இருந்தது.

கடும் வீழ்ச்சியில் இருந்து பங்குச் சந்தை மீண்ட பிறகு தொடர்ந்து பச்சை விளக்குடன் ஏறுமுகம் கண்டு வருவது முதலீட்டாளர்கள் மத்தியில் உத்வேகத்தைக் கூட்டியுள்ளது.

இன்று முற்பகல் 11 மணியளவில் சென்செக்ஸ் 223.78 புள்ளிகள் (0.29%) உயர்ந்து 76,947.86 ஆகவும், நிஃப்டி 82.05 புள்ளிகள் (0.35%) உயர்ந்து 23,295.25 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் குறிப்பிடத்தக்க உயர்வுடன் நிறைவடைந்தது. ஆசிய பங்குச் சந்தைகளைப் பொறுத்தவரையில் சியோல், டோக்கியோ, ஹாங்காங் மற்றும் ஷாங்காய் பங்குச் சந்தைகளில் ஏற்றம் நிலவுகிறது. அமெரிக்க ஃபெடரல் ரிசர்வ் வங்கி தனது வட்டி விகிதத்தை குறைக்கும் என்ற நம்பிக்கை வலுத்துள்ளதால் சர்வதேச அளவில் பங்குச் சந்தைகளில் சாதகமான போக்கு நிலவுகிறது. இது, இந்திய பங்குச் சந்தைகளிலும் எதிரொலித்துள்ளது.