தினமும் 1,600 கிமி தூரம் அலுவலகம் வந்து செல்ல ஜெட் வசதி - ஸ்டார்பக்ஸ் புதிய சி.இ.ஒ-க்கு அதிரடி சலுகை!
50 வயதான பிரையன் நிக்கோலுக்கு ஒவ்வொரு ஆண்டும் $1.6 மில்லியன் (சுமார் 13.5 கோடி ரூபாய்) அடிப்படை சம்பளம் வழங்கப்படும், மேலும், அவரது செயல்திறனைப் பொறுத்து $3.6 மில்லியன் முதல் $7.2 மில்லியன் வரை ரொக்க ஊக்கத்தொகை கொடுக்க உள்ளனர் ஸ்டார்பக்ஸ்.
ஸ்டார்பக்ஸ்' காபி நிறுவனத்தின் புதிய சி.இ.ஓ.,வாக நியமிக்கப்பட்டுள்ள பிரையன் நிக்கோல், 1,600 கி.மீ., தொலைவில் உள்ள அலுவலகத்துக்கு தினமும் வந்து செல்ல ஜெட் விமான வசதியை அந்நிறுவனம் வழங்கியுள்ளது.
50 வயதான பிரையன் நிக்கோலுக்கு ஒவ்வொரு ஆண்டும் $1.6 மில்லியன் (13,42,77,760 ரூபாய்) அடிப்படை சம்பளம் வழங்கப்படும். மேலும், அவரது செயல்திறனைப் பொறுத்து $3.6 மில்லியன் முதல் $7.2 மில்லியன் வரை ரொக்க ஊக்கத்தொகைப் பெற முடியும்.
![Starbucks](https://images.yourstory.com/cs/1/c4917410498b11eab4d95bb34c7d82fb/tuyen-nhan-vien-barista-lam-viec-tai-starbuck-ha-noi-1-800-162117-1581077051739.jpg?fm=png&auto=format)
அமெரிக்காவின் ஸ்டார்பக்ஸ் காபி நிறுவனம் உலகம் முழுதும் கடை திறந்து விதவிதமான காபி வகைகளை விற்பனை செய்கிறது. இந்நிறுவனத்தின் மிகப்பெரிய சந்தையாக அமெரிக்கா, சீனா மற்றும் இந்தியா உள்ளது. இந்நிறுவனத்தின் சி.இ.ஓ., ஆக இந்திய வம்சாவளியான லக்ஷ்மன் நரசிம்மன் ஓராண்டுக்கு முன் பொறுப்பேற்றார்.
ஆனால், குறைந்து வரும் விற்பனையை அவரால் மீட்டெடுக்க முடியவில்லை இதனையடுத்து அவரது இடத்தில் நிக்கோல் நியமிக்கப்பட்டார். பிரச்சனைகளைச் சந்திக்கும் நிறுவனங்களை மீட்டெடுப்பதில் இவருக்கு அமெரிக்க சந்தையில் பெரிய பெயர் உண்டு.
![Starbucks CEO](https://images.yourstory.com/cs/18/7be5482008d911e9bb473d9d98ed1e05/Image5epo-1724399413921.jpg?fm=png&auto=format&w=800)
இதனைக் கருத்தில் கொண்டு சிப்போட்லே மெக்சிகன் கிரில்' நிறுவனத்தின் சி.இ.ஓ.,வாக இருந்த பிரைன் நிக்கோலை, ஸ்டார்பக்ஸ் நிறுவனம் பல கவர்ச்சிகர சலுகைகளை தந்து தங்கள் நிறுவனத்துக்கு இழுத்துள்ளது.
இப்போது இவருக்கு ஆண்டுக்கு ரூ.13.2 கோடி வரை சம்பளமாக வழங்குவுள்ளனர். பிரைன் நிக்கோல் கலிபோர்னியாவில் உள்ளவர், ஸ்டார்பக்ஸ் தலைமையிடம் இவர் இருக்கும் இடத்திலிருந்து 1600 கிமீ தொலைவில் சியாட்டிலில் உள்ளது. இதனையடுத்து, இவருக்கு தினமும் வந்து செல்ல ஜெட் விமானச் சலுகையை இந்த நிறுவனம் வழங்கியுள்ளது.
பாடகி ரிஹானாவின் உள்ளாடை பிராண்டான ஃபென்டி x சாவேஜின் ஹிலாரி சூப்பர், விக்டோரியாஸ் சீக்ரெட் அவரை அதன் புதிய தலைமை நிர்வாக அதிகாரியாக ஆக்கியபோது இதே போன்ற சலுகையை வழங்கியதும் கவனிக்கத்தக்கது. சிப்போட்லே நிறுவனத்தில் இவர் சி.இ.ஓவாக இருந்த போது அந்நிறுவனத்தின் பங்குகள் விலை 773% உயர்ந்ததாகச் செய்திகள் உண்டு.