'கடந்த நிதியாண்டில் 4.7 கோடி புதிய வேலை வாய்ப்புகள் உருவாகியுள்ளன' - ஆர்பிஐ
நாட்டின் வேலைவாய்ப்புக்கான ஆண்டு வளர்ச்சியானது, முந்தைய நிதியாண்டின் 3.20 சதவீதத்துடன் ஒப்பிடுகையில், கடந்த 2023 - 24ம் நிதியாண்டில், ஆறு சதவீதமாக அதிகரித்துள்ளது. மேலும், கடந்த நிதியாண்டில், 4.70 கோடி பேருக்கான வேலைவாய்ப்புகள் உருவாக்கப்பட்டுள்ளது.
கடந்த நிதியாண்டில், கிட்டத்தட்ட 4.7 கோடி பேருக்கான வேலைவாய்ப்புகளை உருவாக்கித் தந்துள்ளதாக, ரிசர்வ் வங்கியின் தரவுகள் தெரிவிக்கின்றன.
இதன் மூலம் நாட்டில் இப்போது 27-க்கும் அதிகமான துறைகளில் 64.33 கோடி பேர் பணியாற்றி வருகின்றனர் என்றும் கூறப்பட்டுள்ளது. ஆர்பிஐ-யின் ஆய்வறிக்கையில் இது தொடர்பாகக் கூறப்பட்டுள்ளதாவது,
நாட்டின் வேலைவாய்ப்புக்கான ஆண்டு வளர்ச்சியானது, முந்தைய நிதியாண்டின் 3.20 சதவீதத்துடன் ஒப்பிடுகையில், கடந்த 2023 - 24ம் நிதியாண்டில், ஆறு சதவீதமாக அதிகரித்துள்ளது. மேலும், கடந்த நிதியாண்டில், 4.70 கோடி பேருக்கான வேலைவாய்ப்புகள் உருவாக்கப்பட்டுள்ளது.
இதையடுத்து, வேலைவாய்ப்பு பெற்ற மொத்த தொழிலாளர்களின் எண்ணிக்கையானது, குறிப்பிட்ட 27 துறைகளில் 64.33 கோடியாக அதிகரித்துள்ளது. முந்தைய நிதியாண்டான 2022 - 23-இன் மார்ச் இறுதி நிலவரப்படி, தொழிலாளர்களின் எண்ணிக்கை 59.67 கோடியாக இருந்தது குறிப்பிடத்தக்கது.
கடந்த ஐந்து ஆண்டுகளில், மொத்த வேலைவாய்ப்பு எண்ணிக்கை 53.44 கோடியில் இருந்து, 64.33 கோடியாக அதிகரித்துள்ளதாக தெரிவிக்கப்பட்டுள்ளது.
2023ம் ஆண்டில் வேலை வாய்ப்பு வளர்ச்சி 6 சதவீதமாகும். இதுவே முந்தைய ஆண்டு 3.2 சதவீதமாக இருந்தது. வேளாண்மை, மீன்பிடித்தொழில், வனம் சார்ந்த தொழில்களில் 25.3 பேர் வேலை வாய்ப்புப் பெற்றுள்ளனர். கட்டுமானம் வர்த்தகம், போக்குவரத்து உள்ளிட்டத் துறைகள் அதிக வேலைவாய்ப்புகளை அளித்து வருவதாக ஆர்பிஐ அறிக்கை கூறுகின்றது.
