ஓசூரில் ரெடி ஆகும் டாடா-வின் ஐபோன் அசெம்ப்ளி ஆலை - 50,000 பேருக்கு வேலைவாய்ப்பு!
டாடாவின் ஐபோன் தயாரிப்பு ஆலை தமிழ்நாட்டின் ஓசூரில் கட்டப்பட்டு வருகிறது. இங்கு சுமார் 50,000 தொழிலாளர்கள், பெரும்பாலும் பெண்கள் பணியாற்றுவார்கள் என்று கூறப்படுகிறது. இந்தப் புதிய ஆலையில் டாடா எலக்ட்ரானிக்ஸ் ரூ.6,000 கோடி முதலீடு செய்ய உள்ளது.
டாடா குழுமம் நாட்டில் புதிய ஐபோன் அசெம்பிளி ஆலைக்கு தயாராகி வருகிறது, இது இந்த ஆண்டின் பண்டிகை காலாண்டில் செயல்படத் தொடங்கும் என்று எதிர்பார்க்கப்படுகிறது.
டாடாவின் ஐபோன் தயாரிப்பு ஆலை தமிழ்நாட்டின் ஓசூரில் கட்டப்பட்டு வருகிறது. இங்கு சுமார் 50,000 தொழிலாளர்கள், பெரும்பாலும் பெண்கள் பணியாற்றுவார்கள் என்று கூறப்படுகிறது. இந்தப் புதிய ஆலையில் டாடா எலக்ட்ரானிக்ஸ் ரூ.6,000 கோடி முதலீடு செய்ய உள்ளது.
டாடா குழுமம் கடந்த ஆண்டு அக்டோபரில் 125 மில்லியன் டாலருக்கு தைவானைச் சேர்ந்த எலக்ட்ரானிக்ஸ் தயாரிப்பு நிறுவனமான விஸ்ட்ரானின் இந்தியா வர்த்தகத்தை வாங்கியது. இந்தியாவில் ஐபோன் ஒப்பந்த உற்பத்தியாளர்களில் இப்போது ஃபாக்ஸ்கான், டாடா மற்றும் பெகாட்ரான் ஆகிய நிறுவனங்கள் அடங்கும்.
![apple iphone](https://images.yourstory.com/cs/18/7be5482008d911e9bb473d9d98ed1e05/Image7j6g-1724480750228.jpg?fm=png&auto=format)
டாடா ஏற்கனவே கர்நாடகாவில் ஐபோன் உற்பத்தி ஆலையை நடத்தி வருகிறது, அதை விஸ்ட்ரான் நிறுவனத்திடம் இருந்து வாங்கியுள்ளது குறிப்பிடத்தக்கது. இந்தியாவில் ஆண்டுக்கு 50 மில்லியனுக்கும் அதிகமான ஐபோன்களை உற்பத்தி செய்வதை இலக்காகக் கொண்டு இப்போது டாடா குழுமத்தின் புதிய அசெம்ப்ளி யூனிட் தயாராகி வருகிறது.
இந்தியாவின் மிகப்பெரிய ஐபோன் அசெம்பிளி ஆலைகளில் ஒன்றை தமிழகத்தின் ஓசூரில் கட்ட டாடா குழுமம் திட்டமிட்டுள்ளதாக கடந்த ஆண்டு டிசம்பரில் முதன்முதலில் தகவல்கள் வெளியானது குறிப்பிடத்தக்கது.
இதற்கிடையில், ஆப்பிள் நிறுவனம் தமிழகத்தின் ஸ்ரீபெரும்புதூரில் உள்ள தனது தொழிற்சாலையில் சமீபத்திய ஐபோன்களை அறிமுகப்படுத்துவதற்காக ஆயிரக்கணக்கான தொழிலாளர்களுக்கு பயிற்சி அளிக்கத் தொடங்கியுள்ளது.
கடந்த ஆண்டு ஐபோன் 15 உள்நாட்டு சந்தையில் வந்ததைப் போலவே, இந்தியாவில் உலகளாவிய விற்பனையின் முதல் நாளில் ஐபோன் 16-ம் சந்தைக்கு வரும்.
ஆப்பிளின் இந்திய செயல்பாடுகள் கடந்த நிதியாண்டில் (FY24) 23.5 பில்லியன் டாலர் மதிப்பை எட்டியது குறிப்பிடத்தக்கது.