Brands
Discover
Events
Newsletter
More

Follow Us

twitterfacebookinstagramyoutube
ADVERTISEMENT
Advertise with us

கோடீஸ்வர காமெடி நடிகர் பிரம்மானந்தம் சொத்து மதிப்பு எவ்வளவு தெரியுமா?

நகைச்சுவை நடிகர் பிரம்மானந்தத்தின் சொத்து மதிப்பு ரூ.490 கோடி என்பதற்குப் பின்னால் அவரது திறமையும், கடின உழைப்பும் உள்ளது என்பதை மறுக்க முடியாது.

கோடீஸ்வர காமெடி நடிகர் பிரம்மானந்தம் சொத்து மதிப்பு எவ்வளவு தெரியுமா?

Friday February 02, 2024 , 2 min Read

கின்னஸ் உலக சாதனை படைத்தவர், பத்மஸ்ரீ விருது பெற்றவர், இந்தியாவின் நகைச்சுவை சூப்பர் ஸ்டார், மீம்களின் நாயகனான பிரம்மானந்தத்தின் சொத்து மதிப்பு ரூ.490 கோடி என்றால் ஆச்சரியமாகவே இருக்கும். ஆனால், இதற்குப் பின்னால் இருக்கும் அவரது பயணம் கூர்ந்து கவனிக்கத்தக்கது.

இந்திய சினிமாவின் நகைச்சுவை நட்சத்திரம் பிரம்மானந்தம் திரைப்பட நகைச்சுவை நடிப்பில் தனக்கென தனித்தடம் பதித்தவர். இவருக்காகவே ஓடிய படங்கள் ஏராளம். குறிப்பாக, தெலுங்கு படங்களில் இவரது நகைச்சுவை தூள் பறக்கும். ‘மொழி’ உள்ளிட்ட தமிழ்ப் படங்களில் இவரது காமெடி பெரிய ஹிட்.

கின்னஸ் சாதனையையும் படைத்துள்ளா பிரம்மானந்தம், 1986-ம் ஆண்டு முதல் இப்போது வரை 1000-க்கும் மேற்பட்ட படங்களில் நடித்துள்ளார். பத்மஸ்ரீ விருது வென்றவர் என்பதும் அவரது பல மகுடங்களில் ஒன்று.

brahmanandam

ஒரே மொழியில் அதிக திரைப்படங்களில் நடித்த சாதனையாளர் என்பதற்காகவே கின்னஸ் உலக சாதனைப் புத்தகத்தில் இடம்பெற்றார். தெலுங்கில் மட்டும் இவர் நடித்த படங்களின் எண்ணிக்கை 754. இது ஒரு கின்னஸ் சாதனை. தெலுங்கு திரைப்படத் துறையில் ‘கிரேட்டஸ்ட் காமெடியன்’ என்று பெயர் எடுத்தவர் பிரம்மானந்தம்.

நடிகர் பிரம்மானந்தத்தின் சொத்து மதிப்பு ரூ.490 கோடி. ஆனால், இந்தக் கோடிகளின் பின்னால் அவரது திறமையும், கடின உழைப்பும் உள்ளது என்பதை ஒருவரும் மறுக்க முடியாது.

பிரம்மானந்தத்தின் பலதரப்பட்ட உடல் மொழி, பலதரப்பட்ட முகபாவங்கள், தரையில் இருப்பதை திரைக்குக் கொண்டு வந்து மக்களின் இயல்பான நகைச்சுவை உணர்வை பிரதிபலித்தவர் என்பதால் இவரது நகைச்சுவைக் காட்சிகள் மக்களுக்கு நெருக்கமானவையாக இன்று வரை உள்ளது.

35 ஆண்டுகால பயணம்

திரையில் இவர் சிரித்தாலும் சரி, அழுதாலும் சரி, கோபாவேசம் காட்டினாலும் சரி, பாவங்கள் பலவிதமாக இருந்தாலும் மக்களிடையே அதன் விளைவு வெடிச்சிரிப்பாகத்தான் மாறும்.

தன்னிகரற்ற பிரம்மானந்தத்தின் இந்தத் திறமைகள் அவருக்கு பல விருதுகளைப் பெற்றுத்தந்துள்ளது. தெலுங்கில் ஃபிலிம் ஃபேர் சிறந்த நகைச்சுவை நடிகருக்கான விருது மற்றும் சிறந்த ஆண் நகைச்சுவை நடிகருக்கான நந்தி விருது உள்ளிட்ட பல விருதுகளை வென்றுள்ளார். ஆச்சார்யா நாகார்ஜுனா பலகலைக்கழகம் இவருக்கு கவுரவ டாக்டர் பட்டத்தையும் அளித்தது.

எம்.ஏ. பட்டம் பெற்ற பிரம்மானந்தம் முதலில் தெலுங்கு மொழி ஆசிரியராகப் பணியாற்றியவர்தான். இதோடு நாடகத் துறையிலும் ஈடுபட்டார் பொழுதுபோக்காக மிமிக்ரி கலையிலும் சிறந்து விளங்கினார்.

brahmanandam

முதலில் தொலைக்காட்சியில் டிடி தெலுங்கு சேனலில் ‘பகபகலு’ என்ற நாடகத்தில் நடித்தார். அதில் இவருக்குக் கிடைத்த நற்பெயரின் மூலம் ஜந்தியாலா என்ற இயக்குநர் 1987-ம் ஆண்டு, ‘ஆஹா நா பெலண்ட்டா’ என்ற படத்தில் நடிக்க அழைத்தார். அன்று திரையில் நுழைந்தவர்தான், திரும்பிப் பார்க்கவேயில்லை. 35 ஆண்டுகால இடைவிடாப் பயணமாகிவிட்டது.

பிரம்மானந்தம் - லஷ்மி தம்பதிக்கு 2 மகன்கள் உள்ளனர். நடிப்புத் தொழிலுடன் பிரம்மானந்தம் சிற்பக் கலையிலும் ஆர்வம் காட்டி வந்தார். இவர் விவேகானந்தர் மற்றும் ஜே.கிருஷ்ணமூர்த்தி ஆகியோரது தத்துவங்களை வாசித்துள்ளார்.

திறமையும் அர்ப்பணிப்பும்

பலரது கவலைகளையும் மறக்கடித்து சிரிப்பின் சிறகுகளை விரிக்கச் செய்த சாதனையாளர் பிரம்மானந்தத்தின் வாழ்க்கை மற்றும் பயணம் பலருக்கும் உத்வேகமாக இருக்கும் என்பதில் இருவேறு கருத்துகள் இல்லை.

திறமை, அர்ப்பணிப்பு, கடின உழைப்பால், பொழுதுபோக்குத் துறையில் அசாதாரணமான உயரங்களை அடைய முடியும் என்பதோடு மக்கள் மனதில் நீங்கா இடம்பெற முடியும் என்பதற்கான ஒரு பிம்பமாக பிரம்மானந்தம் திகழ்கிறார்.

இந்தியாவின் கோடீஸ்வர நகைச்சுவை நடிகர்களுள் ஒருவரான பிரம்மானந்தத்தின் சொத்து மதிப்பு ரூ.490 கோடி என்பது ஒருபுறம் இருந்தாலும், அதை விட இவர் கொள்ளை கொண்ட கோடிக்கணக்கான உள்ளங்கள்தான் இவரது சொத்து என்றால் மிகையாகாது.

மூலம்: Nucleus_AI


Edited by Induja Raghunathan