எலெக்ட்ரிக் மோட்டார் சைக்கிள்களை அறிமுகம் செய்தது ஓலா எலெக்ட்ரிக்!

ஓலா எலக்ட்ரிக் நிறுவனம், 'ரோட்ஸ்டர்' 'Roadster' வரிசை மோட்டார்சைக்கிள்களை அறிமுகப்படுத்தி, எலக்ட்ரிக் மோட்டார்சைக்கிள் பிரிவில் நுழைந்துள்ளது.

பெங்களூருவில் நடைபெற்ற ஓலாவின் 'சங்கல்ப் 2024' ஆண்டு நிகழ்ச்சியில் ரோட்ஸ்டர், ரோட்ஸ்டர் எக்ஸ் மற்றும் ரோட்ஸ்டர் ப்ரோ ஆகிய மின்சார மோட்டார் வாகனங்களை அறிமுகப்படுத்தியது, இதன் விலைகள் முறையே ரூ.74,999, ரூ.1,04,999 மற்றும் ரூ.1,99,999 என்று நிர்ணயிக்கப்பட்டுள்ளது.

ஓலா எலக்ட்ரிக் மேலும் இரண்டு மாடல்களான 'ஸ்போர்ட்ஸ்டர்' மற்றும் 'அரோஹெட்' ஆகியவற்றையும் எதிர்காலத்தில் அறிமுகம் செய்யப்போவதாகத் தெரிவித்தது.

நிகழ்ச்சியில் பேசிய Ola Electric நிறுவனர் மற்றும் CMD பாவிஷ் அகர்வால்,

“இன்று, இந்தியாவின் இருசக்கர வாகன சந்தையில் மூன்றில் இரண்டு பங்கு மோட்டார் சைக்கிள்களைக் கொண்டுள்ளது, மேலும், ஓலா இந்த பிரிவில் நுழைவதன் மூலம் இந்திய இரு சக்கர வாகனப் பிரிவில் மின் வாகனங்களின் பரவல் மேலும் துரிதப்படுத்தப்பட உள்ளது."

"ஸ்கூட்டர் பிரிவில் மின் வாகனப் பிரிவுக்கு மாறுவதை விரைவுபடுத்துவதில் நாங்கள் ஏற்கனவே வெற்றி பெற்றுள்ளோம், மேலும், எங்களின் எதிர்கால தயாரிப்புகளின் வகைகளுடன் நாங்கள் இப்போது எங்கள் மோட்டார் சைக்கிள்கள் மூலம் மின் வாகனச் சந்தை ஊடுருவலில் கவனம் குவித்துள்ளோம். மேலும், எங்கள் பேட்டரிகளை ஒருங்கிணைப்பதன் மூலம் இந்தியாவில் மின்சார வாகனத்திற்கு பெரிய அளவில் மக்கள் மாறுவதைத் துரிதப்படுத்தவுள்ளோம்,” என்றார்.

ரோட்ஸ்டர் எக்ஸ், அதன் பிரிவில் அதிவேக எலக்ட்ரிக் மோட்டார்சைக்கிள் என்று அழைக்கப்படுகிறது, இது 2.5 kWh, 3.5 kWh மற்றும் 4.5 kWh வகைகளில் கிடைக்கிறது என்று ஓலா வெளியிட்டுள்ள செய்திக் குறிப்பில் கூறப்பட்டுள்ளது. ரோட்ஸ்டர், 13 கிலோவாட் மோட்டார் மூலம் இயக்கப்படுகிறது, இது பயணிகள் பிரிவில் அதிவேக மோட்டார்சைக்கிள் ஆகும். இது 3.5 kWh, 4.5 kWh மற்றும் 6 kWh வகைகளில் கிடைக்கிறது.

ரோட்ஸ்டர் ப்ரோவில் 105 NM முறுக்குவிசையை வழங்கும் 52 கிலோவாட் மோட்டார் உள்ளது. 16 kWh வாகனம் மணிக்கு 0-40 கிமீ வேகத்தை 1.2 வினாடிகளிலும், 0-60 kmph வேகத்தை 1.9 வினாடிகளிலும், மற்றும் 194 kmph வேகம் வரை எட்டக்கூடியது என்று வெளியீடு தெரிவித்துள்ளது.

ஓலா எலக்ட்ரிக் அதன் அனைத்து மோட்டார் சைக்கிள்களுக்கும் எட்டு வருட பேட்டரி உத்தரவாதத்தை வழங்குகிறது வாடிக்கையாளர்கள் ஓலாவின் தற்போதைய சார்ஜிங் நெட்வொர்க்கை தங்களது வாகனங்களை சார்ஜ் செய்ய எளிதாகவும் வசதியாகவும் பயன்படுத்தலாம் . சங்கல்ப் நிகழ்வில் நிறுவனம் பாரத் 4680 செல் மற்றும் பேட்டரி பேக்கைக் காட்சிப்படுத்தியது.

நிகழ்வில், ஓலா எலெக்ட்ரிக் அதன் வரவிருக்கும் Gen-3 இயங்குதளத்தை வெளியிட்டது, இது அதன் எதிர்கால மின்சார வாகனங்களுக்கு அடித்தளமாக இருக்கும். இந்த தளம் மேம்பட்ட செயல்திறன், அதிக செயல்திறன் அளவிடுதல் மற்றும் குறைந்த செலவுகளுக்கும் உதவும் என்று நிறுவனம் தெரிவித்துள்ளது.

ஓலா எலெக்ட்ரிக் நிறுவனம் வரவிருக்கும் MoveOS 5 பற்றியும் இந்த நிகழ்வில் குறிப்பிட்டது. இதில் குழு நேவிகேஷன், நேரலை இருப்பிடப் பகிர்வு மற்றும் Ola Maps மூலம் இயக்கப்படும் சாலைப் பயண முறை போன்ற அம்சங்கள் இருக்கும். இதில் ஸ்மார்ட் சார்ஜிங், ஸ்மார்ட் பார்க், டிபிஎம்எஸ் அலெர்ட்கள் மற்றும் க்ருட்ரிம் ஏஐ மூலம் இயங்கும் குரல் உதவி ஆகியவை அடங்கும். MoveOS 5 தீபாவளிக்குள் OTA அப்டேட் மூலம் பீட்டாவில் கிடைக்கும் என்று நிறுவனம் தெரிவித்துள்ளது.