ரூ.4,630 கோடிக்கு ஹவுசிங் பைனான்ஸ் பிரிவை விற்க ஸ்ரீராம் பைனான்ஸ் முடிவு!
ஸ்ரீராம் பைனான்ஸ் நிறுவனம் ஸ்ரீராம் ஹவுசிங் பைனான்ஸில் பெரும்பான்மையான பங்குகளை வைத்திருக்கிறது. மீதமுள்ள பங்கை மொரீஷியஸில் இயங்கும் தனியார் பங்கு நிறுவனமான Valiant Partners L.P. வைத்துள்ளது.
ஸ்ரீராம் ஃபைனான்ஸ் லிமிடெட் (SFL), அதன் ஹவுசிங் ஃபைனான்ஸ் துணை நிறுவனமான ஸ்ரீராம் ஹவுசிங் ஃபைனான்ஸ் லிமிடெட் (SHFL) நிறுவனத்தை வளர்ச்சி முதலீட்டாளரான வார்பர்க் பின்கஸுக்கு விற்க ஒப்புதல் அளித்துள்ளது.
ஸ்ரீராம் பைனான்ஸ் நிறுவனம் ஸ்ரீராம் ஹவுசிங் பைனான்ஸில் பெரும்பான்மையான பங்குகளை வைத்திருக்கிறது. மீதமுள்ள பங்கை மொரீஷியஸில் இயங்கும் தனியார் பங்கு நிறுவனமான Valiant Partners L.P.வைத்துள்ளது.
இந்நிலையில், ஸ்ரீராம் ஹவுசிங் பைனான்ஸ் விற்பனை மதிப்பு ரூ.4,630 கோடி என்று கூறப்படுகிறது. ஸ்ரீராம் ஹவுசிங் பைனான்சின் ஈக்விட்டி மற்றும் கன்வெர்ட்டிபிள் பத்திரங்களுக்கான ரூ.4,630 கோடி மதிப்பிலான பரிவர்த்தனை, ஒழுங்குமுறை அனுமதிகளுக்கு உட்பட்டது மற்றும் அதன் துணை நிறுவனமான மேங்கோ க்ரெஸ்ட் இன்வெஸ்ட்மென்ட் லிமிடெட் மூலம் இந்த பரிவர்த்தனை நடைபெறும்.
![Shriram](https://images.yourstory.com/cs/18/40b57b80a91b11ed8d456bd40c7ffe66/house-1715670339828.jpg?fm=png&auto=format)
இந்த விற்பனை தொடர்பாக ஸ்ரீரான் பைனான்ஸ் செயல் தலைவர் உமேஷ் ரேவங்கர் கூறும்போது,
“நுகர்வோருக்கான நிதித்துறையில் அதிவிரைவு வளர்ச்சியுடன் ஸ்ரீராம் பைனான்ஸ் மற்றும் ஸ்ரீராம் ஹவுசிங் பைனான்ஸ் இரு நிறுவனங்களும் அதனதன் இயங்கு தளங்களில் மிகப்பெரிய வாய்ப்புகளை எதிர்நோக்குபவை. இத்தகைய வளர்ச்சி வாய்ப்பு நிலையின் உச்சத்தில் லட்சக்கணக்கானோருக்கு வீடு வாய்ப்புகளை சொந்தமாக்குவதன் மூலம் ஸ்ரீராம் பைனான்ஸின் மதிப்பு பெரிய அளவில் உருவாகும் என்று நாங்கள் நம்புகிறோம்."
மேலும், இந்த விற்பனை மூலம் ஸ்ரீராம் பைனான்ஸ் மற்றும் ஸ்ரீராம் ஹவுசிங் பைனான்ஸ் இரண்டுக்கும் மதிப்பு உருவாக்கத்தை அதிகப்படுத்தும் என்று எதிர்பார்க்கிறோம். ஏனெனில் இரு நிறுவனங்களும் தங்கள் தொலைநோக்குப் பார்வையை தனித்தனியாகவே நிறைவேற்றும் ஆற்றல் கொண்டவை. இந்நிலையில்தான் ஸ்ரீரான் ஹவுசிங் பைனான்ஸை வாங்கும் வார்பர்க் பின்கஸை நாங்கள் வரவேற்கிறோம், என்றார்.
1979 ஆம் ஆண்டு நிறுவப்பட்ட ஸ்ரீராம் பைனான்ஸ் வங்கியில்லாத நிதிச்சேவை நிறுவனமாகும், வணிக வாகனக் கடன்கள், இருசக்கர வாகனக் கடன்கள் மற்றும் சிறு, குறு மற்றும் நடுத்தர நிறுவனங்கள் நிதியுதவியுடன் 84 லட்சம் வாடிக்கையாளர்களுக்கு சேவை செய்கிறது. ஸ்ரீராம் ஹவுசிங் பைனான்ஸ் மலிவு விலை வீடுகள் பிரிவில் முக்கிய பங்கு வகிக்கிறது.