Stock News: பங்குச் சந்தையில் திடீர் கடும் வீழ்ச்சி - காரணம் என்ன?

இந்திய பங்குச் சந்தையில் ஏற்றத்துடன் ஆரம்பித்த வர்த்தகம் சில நிமிடங்களிலேயே கடும் வீழ்ச்சியை சந்தித்தது. சென்செக்ஸ், நிஃப்டி புள்ளிகள் கடும் சரிவு நிலவுகிறது. பல்வேறு நிறுவனப் பங்குகளும் வீழ்ச்சி கண்டுள்ளன.

Tuesday January 21, 2025 , 1 min Read

இந்திய பங்குச் சந்தையில் ஏற்றத்துடன் ஆரம்பித்த வர்த்தகம் சில நிமிடங்களிலேயே கடும் வீழ்ச்சியை சந்தித்தது. சென்செக்ஸ், நிஃப்டி புள்ளிகள் கடும் சரிவு நிலவுகிறது. பல்வேறு நிறுவனப் பங்குகளும் வீழ்ச்சி கண்டுள்ளன.

மும்பை பங்குச் சந்தையில் இன்று (ஜன.21) காலை வர்த்தகம் தொடங்கும்போது, சென்செக்ஸ் 224.28 புள்ளிகள் உயர்ந்து 77,297.72 ஆக இருந்தது. அதேவேளையில், தேசிய பங்குச் சந்தையில் நிஃப்டி 81.55 புள்ளிகள் உயர்ந்து 23,426.30 ஆக இருந்தது.

ஆனால், இந்தப் போக்கு சட்டென மாறி, பச்சைக்கு பதிலாக சிவப்பு விளக்கு எரியத் தொடங்கியது. மும்பை மற்றும் தேசிய பங்குச் சந்தைகளில் தற்போது கடும் வீழ்ச்சி நிலவி வருகிறது.

இன்று முற்பகல் 11.10 மணியளவில் சென்செக்ஸ் 805.51 புள்ளிகள் (1.05%) சரிந்து 76,267.93 ஆகவும், நிஃப்டி 189.25 புள்ளிகள் (0.81%) சரிந்து 23,155.50 ஆகவும் இருந்தது.

காரணம் என்ன?

அமெரிக்க பங்குச் சந்தைக்கு இன்று விடுமுறை. ஆசிய பங்குச் சந்தைகளைப் பொறுத்தவரையில் டோக்கியோ, ஹாங்காங், ஷாங்காய் மற்றும் ஷாங்காய் பங்குச் சந்தைகளில் ஏற்றம் நிலவுகிறது. எனினும், அது இந்தியப் பங்குச் சந்தையில் எதிரொலிக்கவில்லை.

எதிர்வரும் மத்திய பட்ஜெட் மீதான எதிர்பார்ப்புகளுடன். அமெரிக்க அதிபராக ட்ரம்ப் பதவியேற்றுள்ள நிலையில், அவரது பொருளாதார நடவடிக்கைகள் குறித்த கலக்கமும் இந்திய பங்குச் சந்தையில் எதிரொலிப்பதாக வர்த்தகர்கள் தெரிவித்துள்ளனர்.