Stock News: ட்ரம்ப் தாக்கத்தைத் தாண்டி மீண்டெழும் பங்குச் சந்தை!

அமெரிக்க அதிபர் ட்ரம்ப்பிம் தாக்கத்தைத் தாண்டி, வீழ்ச்சிக்குப் பிறகு சற்றே மீளத் தொடங்கியிருக்கிறது இந்தியப் பங்குச் சந்தை. சென்செக்ஸ், நிஃப்டி புள்ளிகள் உயர்வு கண்டுள்ளன.

Thursday January 23, 2025 , 1 min Read

அமெரிக்க அதிபர் ட்ரம்ப்பிம் தாக்கத்தைத் தாண்டி, வீழ்ச்சிக்குப் பிறகு சற்றே மீளத் தொடங்கியிருக்கிறது இந்தியப் பங்குச் சந்தை. சென்செக்ஸ், நிஃப்டி புள்ளிகள் உயர்வு கண்டுள்ளன.

மும்பை பங்குச் சந்தையில் இன்று (ஜன.23) காலை வர்த்தகம் தொடங்கும்போது, சென்செக்ஸ் 202.87 புள்ளிகள் சரிந்து 76,202.12 ஆக இருந்தது. அதேவேளையில், தேசிய பங்குச் சந்தையில் நிஃப்டி 64.7 புள்ளிகள் சரிந்து 23,090.65 ஆக இருந்தது.

எனினும், உடனடியாக இந்த வீழ்ச்சியில் இருந்து மீண்டு ஏற்றம் பெறத் தொடங்கியது, பங்கு வர்த்தகர்கள் மத்தியில் நிம்மதியைத் தந்துள்ளது.

இன்று முற்பகல் 11.10 மணியளவில் சென்செக்ஸ் 203.29 புள்ளிகள் (0.27%) உயர்ந்து 76,608.28 ஆகவும், நிஃப்டி 73.30 புள்ளிகள் (0.32%) உயர்ந்து 23,228.65 ஆகவும் இருந்தது.

காரணம் என்ன?

அமெரிக்கா மற்றும் ஆசிய பங்குச் சந்தைகளில் கலவையான போக்குகளே நீடிக்கின்றன. அமெரிக்க அதிபர் ட்ரம்பின் அடுத்தடுத்த நகர்வுகள் தொடர்ந்து பங்குச் சந்தைகளை ஆட்டம் காண வைத்துள்ளது. ஆனாலும், இந்தியப் பங்குச் சந்தை வேறு காரணங்களால் மீளத் தொடங்கியுள்ளன. ஹெச்டிஎஃப்சி உள்ளிட்ட நிறுவனங்களின் காலாண்டு வருவாய் முடிவுகளும், ஐடி நிறுவனப் பங்குகளை வாங்குவதில் முதலீட்டாளர்கள் காட்டும் ஆர்வத்தாலும் மும்பை மற்றும் தேசியப் பங்குச் சந்தைகளில் சாதகப் போக்கு நிலவுகிறது.