Stock News: வரலாற்றிலேயே முதன் முறையாக 65,000-ஐ கடந்த சென்செக்ஸ் - காரணம் என்ன?

இந்திய பங்குச்சந்தையானது தொடர்ந்து புதிய உச்சத்துடன் வர்த்தகமாகி வருகிறது.

Monday July 03, 2023 , 1 min Read

இந்திய பங்குச்சந்தையானது தொடர்ந்து புதிய உச்சத்துடன் வர்த்தகமாகி வருகிறது.

பங்குச்சந்தை நிலவரம் (03/07/2023):

தொடர்ந்து இந்திய பங்குச்சந்தையானது வரலாறு காணாத உச்சத்துடன் விற்பனையாகி வருவது முதலீட்டாளர்களை மகிழ்ச்சியில் ஆழ்த்தியுள்ளது.

தற்போதைய வர்த்தக நிலவரப்படி, மும்பை பங்குச்சந்தை குறியீட்டு எண்ணான சென்செக்ஸ் 324.10 புள்ளிகள் அதிகரித்து 65,029 புள்ளிகளுடன் வர்த்தகமாகி வருகிறது. தேசிய பங்குச்சந்தை குறியீட்டு எண்ணான நிஃப்டி 87.55 புள்ளிகள் உயர்ந்து 19,276 புள்ளிகளுடன் வர்த்தகமாகி வருகிறது.

உயர்வுக்கான காரணங்கள்:

தொடர்ந்து 4வது நாளாக இந்திய பங்குச்சந்தை புதிய உச்சத்துடன் வர்த்தகமாகி வருகிறது. குறிப்பாக இன்று மும்பை பங்குச்சந்தை குறியீட்டு எண்ணான சென்செக்ஸ் முதன் முறையாக 65 ஆயிரத்தை கடந்து வர்த்தமாகி வருகிறது.

உலக அளவில் நிலவும் பொருளாதார சூழ்நிலையும், வெளிநாட்டு நிறுவன முதலீடுகள் அதிகரிப்பும் இந்திய பங்குச்சந்தை புதிய உச்சத்தை எட்ட காரணமாக அமைந்துள்ளது.

ஒருபுறம் ஆசிய சந்தைகளில் சியோல், டோக்கியோ, ஷாங்காய் மற்றும் ஹாங்காங் ஆகியவை பச்சை வண்ணத்தில் வர்த்தமாகி வருவதும், மறுபுறம் அமெரிக்க பங்குச்சந்தையின் ஏற்றமும் இந்திய பங்குச்சந்தைக்கு சாதகமாக அமைந்துள்ளது.