Stock News: பங்குச் சந்தையில் பச்சை விளக்கு - சென்செக்ஸ், நிஃப்டி உயர்வு!

சர்வதேச சாதகப் போக்குகளின் எதிரொலியாக, இந்தியப் பங்குச் சந்தை வர்த்தகத்தில் பச்சை விளக்கு ஒளிர்ந்து வருகிறது. சென்செக்ஸ், நிஃப்டி புள்ளிகள் ஏற்றம் கண்டுள்ளன.

Monday January 20, 2025 , 1 min Read

சர்வதேச சாதகப் போக்குகளின் எதிரொலியாக, இந்தியப் பங்குச் சந்தை வர்த்தகத்தில் பச்சை விளக்கு ஒளிர்ந்து வருகிறது. சென்செக்ஸ், நிஃப்டி புள்ளிகள் ஏற்றம் கண்டுள்ளன.

மும்பை பங்குச் சந்தையில் இன்று (ஜன.20) காலை வர்த்தகம் தொடங்கும்போது, சென்செக்ஸ் 398.21 புள்ளிகள் உயர்ந்து 77,017.54 ஆக இருந்தது. அதேவேளையில், தேசிய பங்குச் சந்தையில் நிஃப்டி 105.15 புள்ளிகள் உயர்ந்து 23,308.35 ஆக இருந்தது.

பங்குச் சந்தையில் தொடக்கத்தில் இருந்தே ஏற்றம் நிலவி வருவது முதலீட்டாளர்கள் மத்தியில் உத்வேகத்தை ஏற்படுத்தியுள்ளது. எனினும், இதே ட்ரெண்ட் தொடருமா என்ற சந்தேகமும் நிலவுகிறது.

இன்று முற்பகல் 11 மணியளவில் சென்செக்ஸ் 272.22 புள்ளிகள் (0.36%) உயர்ந்து 76,891.55 ஆகவும், நிஃப்டி 64.25 புள்ளிகள் (0.28%) உயர்ந்து 23,267.45 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் ஏற்றத்துடன் நிறைவடைந்தது. ஆசிய பங்குச் சந்தைகளைப் பொறுத்தவரையில் டோக்கியோ, ஹாங்காங், ஷாங்காய் பங்குச் சந்தைகளில் எழுச்சியும், சியோல் பங்குச் சந்தையில் வீழ்ச்சியும் நிலவுகிறது. சர்வதேச சந்தைகளின் சாதகப் போக்கின் எதிரொலியாக இந்தியப் பங்குச் சந்தைகளும் ஏற்றம் கண்டுள்ளன. குறிப்பாக, அமெரிக்க அதிபராக ட்ரம்ப் பதவியேற்கும் நிலையில், அவரது பொருளாதார நடவடிக்கைகளை சர்வதேச அளவில் வர்த்தகர்கள் உற்று நோக்கியுள்ளனர்.