ரூ.2000 கோடி வேட்டி பிசினஸ் - ‘ராம்ராஜ் காட்டன்’ கட்டிய கோட்டைக்கு வித்திட்ட நாகராஜன்!

ராம்ராஜ் காட்டன் 1983-இல் கே.ஆர். நாகராஜன் என்பவரால் நிறுவப்பட்டது. தமிழ்நாட்டின் சின்ன ஜவுளி நிறுவனமாக தொடங்கி, இன்று இந்தியாவின் பாரம்பரிய உடைகளின் தலைவனாக ராம்ராஜ் காட்டன் உயர்ந்துள்ளது.

ராம்ராஜ் காட்டனின் வெற்றிக்கதையானது, பின்னடைவு, பாரம்பரியம் மற்றும் புதுமையான அணுகுமுறை ஆகியவற்றை அடிப்படையாகக் கொண்டு கட்டமைக்கப்பட்டுள்ளது.

தனது குடும்பத்தின் மதிப்பு மற்றும் பாரம்பரியத்தை பிரதிபலிக்கும் வகையில், தனது பெயரையும், தந்தையின் பெயரான ராமசுவாமியையும் இணைத்து 'ராம்ராஜ்' என்று நிறுவனத்துக்கு பெயர் சூட்டினார் நாகராஜன். நமது பாரம்பரிய உடையான வேஷ்டியை விளம்பரப்படுத்த ஒரு சிறிய முயற்சியில் தொடங்கிய ராம்ராஜ் காட்டனின் பயணம் இன்று ரூ.2,000 கோடி வருவாயை நோக்கி நகர்ந்துகொண்டிருக்கிறது.

திருப்புமுனை:

கே.ஆர். நாகராஜனின் பயணம் அவரின் மனதை உலுக்கக் கூடிய ஒரு சம்பவத்துடன் தொடங்கியது.

ஆரம்ப நாட்களில், நமது பாரம்பரிய உடையான வேஷ்டியை அணிந்து சென்றதற்காக ஹோட்டலுக்குள் நுழைய அவருக்கு அனுமதி மறுக்கப்பட்டது. இந்த தருணம்தான் அவரின் வாழ்க்கையில் திருப்புமுனையாக அமைந்தது.

எந்த உடையை அணிந்தற்காக ஹோட்டலுக்குள் நுழைய தடை விதித்தார்களோ, அந்த வேஷ்டியை பிரபலப்படுத்தவும், வேட்டியை கண்ணியம் மற்றும் கலாச்சார பெருமையின் அடையாளமாக நிலைநிறுத்த வேண்டும், என்ற எண்ணத்தையும் கே.ஆர். நாகராஜன் மனதுக்குள் விதைத்தது.

இந்த தருணத்தில் இருந்து அதற்கான பணியை தொடங்கினார். மேற்கத்திய உடைகளுக்கு பதிலாக நவீன இந்தியாவில் வேஷ்டியை நாகரீகமாகவும் மரியாதைக்குரியதாகவும் மாற்றியமைக்க முயன்றார்.

தோத்தி விஷன்:

ராம்ராஜ் காட்டன் நிறுவனத்தை நிறுவிய நாகராஜன், பாரம்பரிய இந்திய உடைகளுக்கு ஒரு தளத்தை உருவாக்கினார். ராம்ராஜ் காட்டன் நிறுவனம் தொடங்கப்பட்டபோது அவர்களிடம் இருந்தே குறைந்த பணியாளர்களே. எனினும், தங்களிடம் இருந்த வளங்களைக் கொண்டு, உயர்தர வேஷ்டிகளை உருவாக்கத் தொடங்கியது. அன்று அப்படி தொடங்கியது இன்று 2,500-க்கும் மேற்பட்ட வகையான வேஷ்டிகளை உற்பத்தி செய்கிறது.

அதுவும் அனைத்துவகையான மக்களுக்கும் கிடைக்கும் வகையில், மலிவு விலை முதல் ஆடம்பரமான பட்டு வேஷ்டிகள் வரை கிடைக்க வேண்டும் என்ற கே.ஆர்.நாகராஜனின் விஷனால் இன்று ஜவுளி சந்தையில் ராம்ராஜ் காட்டன் நிறுவனம் தனித்து நிற்க உதவியது. இவ்வளவு பெரிய சாதனையை பாரம்பரியம், நம்பகத்தன்மை மற்றும் அர்ப்பணிப்பு காரணமாக ராம்ராஜ் காட்டன் உருவாக்கியது.

மார்க்கெட்டிங்கில் புதுமை:

ராம்ராஜ் காட்டன் நிறுவனத்தின் உயர்வு, அவர்களின் புதுமையான மார்க்கெட்டிங் உத்திகளால் கிடைத்தவை. இவர்கள் செய்த விளம்பரங்கள், மரியாதைக்குரிய ஒரு ஆடையாக வேஷ்டியை முன்னிலைப்படுத்தின. விளம்பரங்களில் பிரபல நபர்கள் மூலம் கதைகளை கூறி வேஷ்டியை பற்றிய பொதுக் கருத்துகளை வெற்றிகரமாக மாற்றியது.

ராம்ராஜ் காட்டன் தற்போது இந்தியா முழுவதும் 250-க்கும் மேற்பட்ட கடைகளை இயக்கி வருகிறது. அதோடு, சர்வதேச அளவில் குறிப்பாக புலம்பெயர்ந்த இந்தியர்களிடையே தனது முத்திரையை வலுவாக பதித்துள்ளது.

சீன அதிபர் ஜி ஜின்பிங் மாமல்லபுரம் வந்தபோது, இந்திய பிரதமர் மோடி பாரம்பரிய முறையில் வேஷ்டியை அணிந்திருந்தார். இது ராம்ராஜ் காட்டனின் மார்கெட்டிங்கிற்கு கிடைத்த வெற்றிக்கு ஓர் உதாரணம். இந்த மொமெண்ட், ராம்ராஜ் காட்டனை தேசிய அளவில் லைம்லைட்டிற்கு கொண்டுசென்றது. இந்திய பாரம்பரியத்திற்கான கலாச்சார தூதராக தனது பங்கை மீண்டும் இதன்மூலம் உறுதிப்படுத்தியது ராம்ராஜ் காட்டன்.

சமூகப் பொறுப்புக்கான அர்ப்பணிப்பு:

ராம்ராஜ் காட்டனின் வெற்றி என்பது ஆடைகளை விற்பது மட்டுமல்ல, அதனையும் தாண்டி சமூகத்தை உயர்த்துவதும் முக்கிய பணியே.

இந்நிறுவனம் 50,000-க்கும் மேற்பட்ட நெசவாளர் குடும்பங்களை ஆதரிக்கிறது. அதோடு, ஆயிரக்கணக்கான தொழிலாளர்களுக்கு நியாயமான ஊதியத்துடன் கூடிய வேலை வாய்ப்புகளை வழங்கி, நமது சமூகத்தை உயர்த்துவதில் முக்கிய பங்காற்றி வருகிறது.

இதே சோசியல் ரெஸ்பான்ஸ்பிலிட்டி வாடிக்கையாளர்களிடம் எதிரொலிக்கிறது. இது ராம்ராஜ் நிறுவனத்துக்கென விசுவாசமான வாடிக்கையாளர் தளத்தை உருவாக்கவும் வழிவகுத்தது.

வேஷ்டிகளுக்கு அப்பால்...

ராம்ராஜ் காட்டனின் முதன்மையான தயாரிப்பு வேஷ்டி. எனினும் அதனை தாண்டி, வேஷ்டியுடன் சட்டைகள், குர்தாக்கள், உள்ளாடைகள் அடங்கிய தொகுப்பையும் விற்பனை செய்கிறது. பிரீமியம் பட்டு வேஷ்டிகளுக்காக "விவேகம்" மற்றும் "லின்னா" என்கிற பெயரிலும், குழந்தைகளின் உடைகளுக்காக "லிட்டில் ஸ்டார்ஸ்" என்கிற பெயரிலும் துணை நிறுவனங்களை திறந்து வாடிக்கையாளர்களை கவர்ந்து வருகிறது. இப்படியான உத்திகளால் ராம்ராஜ் காட்டன் பாரம்பரிய ஆடைகளின் சந்தையில் கணிசமான பங்கைக் கொண்டிருக்க வழிவகுத்தது.

ராம்ராஜ் காட்டன் அதன் 40-வது ஆண்டு நிறைவைக் கொண்டாடும் வேளையில், புதுமைகளையும் தொடர்கிறது. எதிர்காலத்தில் 1,000 கடைகளை திறக்க வேண்டும் என்ற பெரிய இலக்கை நிர்ணயித்து பயணிக்கத் தொடங்கியுள்ளது. மேலும், இந்திய ஃபேஷன் துறையில் பல ஆண்டுகளாக முன்னணி சக்தியாக தங்களை நிலைத்திருக்க உதவிய பாரம்பரியம் மற்றும் நவீனத்துவத்துடன் முன்னோக்கி சென்றுவருகிறது.

ராம்ராஜ் காட்டனின் பயணம், கலாச்சார பெருமை, புதுமையை கொண்டு எப்படி ஒரு வெற்றிகரமான பிராண்டை உருவாக்க முடியும் என்பதற்கு ஒரு சான்றாகும்.

வேஷ்டியை அணிந்ததற்காக ஹோட்டலில் நிராகரிக்கப்பட்டதில் தொடங்கி, பாரம்பரிய உடையின் தலைவனானது வரை கே.ஆர்.நாகராஜனின் தொலைநோக்கு பார்வையால் உருவானது. அவரின் தொலைநோக்கு பார்வை, அவருடைய தொழிலை மட்டும் மாற்றவில்லை, இந்திய பாரம்பரியத்தை பாதுகாப்பதற்கும் மேம்படுத்துவதற்கும் பங்களித்துள்ளது.

மூலம்: Nucleus_AI

1866 people loved this story

---

'கேபிஆர் மில் கதை' - 30,000 பெண்களின் வாழ்வை மேம்படுத்தி ரூ.30,000 கோடி மதிப்பு பிசினஸ் கோட்டை அமைத்த விவசாயி மகன்!